കൊടകര:സെന്റ് ജോസഫ്‌സ് ഫൊറോന ദേവാലയത്തിലെ പരിശുദ്ധ കന്യകാമറിയത്തിന്റെ പിറവിത്തിരുന്നാളിന് ഒരുക്കമായുള്ള എട്ട് നോമ്പാചരണം ആരംഭിച്ചു.
ഒന്നാം ദിവസത്തെ ആഘോഷമായ ദിവ്യബലിക്ക് ഫൊറോന വികാരി ഫാ.അഡ്വ. ഡോ. ജോണ്‍സന്‍ ജി. ആലപ്പാട്ട് മുഖ്യകാര്‍മ്മികത്വം വഹിച്ചു. തുടര്‍ന്ന് ലദീഞ്ഞ്, നൊവേന എന്നിവ നടന്നു. ഈ മാസം 8 വരെ ദിവസേന വൈകുന്നേരം 5 ന് ആഘോഷമായ ദിവ്യബലി , വചനപ്രഘോഷണം, മരിയന്‍ പ്രാര്‍ത്ഥന, തിരിപ്രദക്ഷിണം, പുറത്ത് ഗ്രോട്ടോയില്‍ ലദീഞ്ഞ്, നൊവേന, സ്ത്രീപീഡനത്തിനെതിരെ പ്രത്യേക പ്രാര്‍ത്ഥനകള്‍,നാനാജാതി മതസ്ഥര്‍ക്കായുള്ള സമര്‍പ്പണപ്രാര്‍ത്ഥന എന്നിവ ഉണ്ടായിരിക്കും.
പ്രാര്‍ത്ഥനകള്‍ക്കും ജപമാലക്കും നേതൃത്വം കൊടുക്കുന്നത് ഇടവകയിലെ കുടുംബയൂണിറ്റുകളിലെ പ്രത്യേകം തെരഞ്ഞെടുക്കപ്പെട്ട കുടുംബങ്ങളാണ്. സമാപനദിവസം കൊന്ത വെഞ്ചിരിപ്പും, മെഴുകുതിരി വെഞ്ചിരിപ്പും ഉണ്ടാകും.
