ഏറ്റവും വലിയ വിജയകരമായ ഓപ്പറേറ്റിംഗ് സിസ്റ്റം ആയിരുന്ന വിന്ഡോസ് എക്സ് പിയുടെ യുഗം അവസാനിക്കുന്നു. 2001 ഒക്ടോബറിലാണ് വിന്ഡോസ് എക്സ് പി പുറത്തിറങ്ങിയത്. കഴിഞ്ഞ 11 വര്ഷത്തിനിടെ ഏറ്റവും കൂടുതല് പേര് ഉപയോഗിച്ച ഓപ്പറേറ്റിംഗ് സിസ്റ്റം ഏതാണ് എന്ന് ചോദിച്ചാല് നിസ്സംശയമായും വിന്ഡോസ് എക്സ് പി എന്ന് പറയാന് കഴിയും. എക്സ് പിയോടൊപ്പം ഓഫീസ് 2013 ന്റെയും സപ്പോര്ട്ട് മൈക്രോസോഫ്റ്റ് നിര്ത്താന് തീരുമാനിച്ചിരിക്കുകയാണ്. നിലവിലെ സാഹചര്യങ്ങള് അനുസരിച്ച് എക്സ് പി പോലെ ഒരു പഴയ ഓപ്പറേറ്റിംഗ് സിസ്റ്റം ഉപയോഗിക്കാന് വിന്ഡോസ് 7നേക്കാള് അഞ്ചിരട്ടി ചെലവ് വരുമെന്ന് ഒരു പഠനം തെളിയിക്കുന്നു.നിലവില് ലഭ്യമായ വിവരങ്ങള് അനുസരിച്ച് 2017 ഏപ്രില് 11ന് വിന്ഡോസ് 7ന്റെയും സപ്പോര്ട്ട് അവസാനിപ്പിക്കും.
‘ഇനിയും നിങ്ങള് ഒരു പുതിയ ഓപ്പറേറ്റിംഗ് സിസ്റ്റത്തിലേക്ക് മാറിയിട്ടില്ലെങ്കില് നിങ്ങള് താമസിച്ചുപോയി’ എന്ന് മൈക്രോസോഫ്റ്റ് സീനിയര് പ്രോഡക്റ്റ് മാനേജര് സ്റ്റീഫന് റോസ് ഒരു ബ്ലോഗ് പോസ്റ്റിലൂടെ പറയുകയുണ്ടായി. നിലവിലെ കണക്കുകള് അനുസരിച്ച് ലോകത്തെ കമ്പ്യൂട്ടര് ഉപയോക്താക്കളില് 17.6 ശതമാനം പേര് വിന്ഡോസ് എക്സ് പി ഉപയോഗിക്കുന്നു എന്ന് തെളിയിക്കുന്നു. നിങ്ങള് അതില് ഒരാളാണോ ? എങ്കില് അത് നിങ്ങളെയും ബാധിച്ചേക്കാം. അതിനാല് എത്രയും പെട്ടെന്ന് ഒരു പുതിയ ഓപ്പറേറ്റിംഗ് സിസ്റ്റത്തിലേക്ക് മാറുക. എക്സ് പി സപ്പോര്ട്ട് അവസാനിപ്പിക്കുന്നതിന്റെ ഭാഗമായി മൈക്രോസോഫ്റ്റ് തങ്ങളുടെ വെബ്സൈറ്റില്, എന്തുകൊണ്ട് ? എന്ത് ? എങ്ങനെ ? എന്നീ ചോദ്യങ്ങള്ക്ക് ഉത്തരവുമായി ഒരു പുതിയ പേജ് ചേര്ത്തിരിക്കുന്നു. അതനുസരിച്ച് നിലവില് വിന്ഡോസ് എക്സ് പി ഉപയോഗിക്കുന്നവര് എത്രയും പെട്ടെന്ന് വിന്ഡോസ് 7ലേക്കോ 8ലേക്കോ മാറാന് ആവശ്യപ്പെടുന്നു. അല്ലാത്തപക്ഷം ആ കമ്പ്യൂട്ടറുകള് ആക്രമിക്കപ്പെടാന് വര്ധിച്ച സാദ്ധ്യതകള് ഉണ്ട് എന്ന് റിപ്പോര്ട്ടുകള് പറയുന്നു.