കൊടകര : പാലാ- പൊന്‍കുന്നം റോഡില്‍ കുരുവിക്കൂടിനും മഞ്ചക്കുഴിക്കും ഇടയില്‍ കാര്‍ റോഡരികിലെ താഴ്ചയിലേക്കു മറിഞ്ഞ് അഞ്ചു കുട്ടികള്‍ ഉള്‍പ്പെടെ ഒരാള്‍ മരിക്കുകയും 9 പേര്‍ക്കു പരുക്കേല്‍ക്കുകയും ചെയ്തു . കൊടകര സ്വദേശികളായ കുടുംബം സഞ്ചരിച്ചിരുന്ന വാഹനമാണ് അപകടത്തില്‍പെട്ടത്. ഇന്നലെ ഉച്ചയോടെയായിരുന്നു അപകടം.
കവലക്കാട്ട് ഈച്ചരത്തു വീട്ടില്‍ ഇ.ടി.വര്‍ഗീസ് (60) ആണ് മരണപ്പെട്ടത്, ഭാര്യ അല്‍ഫോന്‍സ് (55) , മകന്‍ സോണി(30), മകള്‍ സൗമ്യ(35), സൗമ്യയുടെ ഭര്ത്താവ് മാക്‌സിന് (40) വര്‍ഗീസിന്റെ കൊച്ചു മക്കളായ അബിന്‍(12) , എഡിന്‍(10), എമില്‍(അഞ്ച്) , ആവിന്‍(ഏഴ്), എല്‍ന(രണ്ട്) എന്നിവരാണ് അപകടത്തില്‍ പരിക്കേറ്റത്. പരിക്കേറ്റവരെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. സോണിയായിരുന്നു വണ്ടി ഓടിപ്പിച്ചിരുന്നത്. നിയന്ത്രണം വിട്ട കാര്‍ റോഡരുകില്‍ പറമ്പിലേക്ക് മറിയുകയായിരുന്നു.
