കൊടകര: ദേശീയപണിമുടക്ക് കൊടകര മേഖലയില് പൂര്ണമായിരുന്നു. കടകളും മററു വ്യാപാരസ്ഥാപനങ്ങളും അടഞ്ഞുകിടന്നു. സര്ക്കാര് ഓഫീസുകളില് ഹാജര്നില കുറവായിരുന്നു. പേരാമ്പ്ര അപ്പോളൊ ടയേഴ്സില് ജോലിയില് പ്രവേശിക്കാനെത്തിയ ബി.എം.എസ് തൊഴലാളികളെ പണിമുടക്ക് അനുകൂലികള് തടയാന് ശ്രമിച്ചത് രാവിലെ ചെറിയ സംഘര്ഷത്തിനു കാരണമായി.
കൊടകര പോലീസ് സ്ഥലത്തെത്തി പ്രതിഷേധക്കാരെ മാറ്റിയതിനെത്തുടര്ന്ന് ബി.എം.എസ് തൊഴിലാളഇകള് ജോലിയില് പ്രവേശിച്ചു. കൊടകര ടൗണില് ട്രേഡ് യൂണിയന് പ്രവര്ത്തകര് പ്രകടനം നടത്തി. പി.ജി.വാസുദേവന് നായര് ഉദ്ഘാടനം ചെയ്തു. പി.ആര്.പ്രസാദന്, വി.എം.ആന്റു, കെ.സി.,ജെയിംസ്, എന്നിവര് നേതൃത്വം നല്കി.കോടാലി വെള്ളിക്കുളങ്ങര മേഖലകളിലും പണിമുടക്ക് പൂര്ണമായിരുന്നു.